Hari Hari mu adalah Umur mu..

العلماء هم ضالتي في كل بلدة وهم بغيتي ووجدت صلاح قلبي في مجالسة العلماء // Orang-orang yang berilmu agama adalah orang yang kucari di setiap tempat. Mereka adalah tujuan yang selalu kucari. Dan aku menemukan keshalihan hatiku di dalam bergaul dengan mereka. (حلية الأولياء وطبقات الأصفياء , IV/85 )

Untuak dunsanak nan punyo niat Pulang Kampuang jo Pesawat, ambo punyo Tips supayo pulang kampuang aman jo nyaman..

1. Pastikan dulu sanak tu punyo Kampuang..!! Beko tiket lah tabali kironyo sanak baru sadar kalau sanak ndak punyo Kampuang, mubazir jadinyo beko :D

2. Sanak harus sadang di Rantau..!! Beko jan urang pulang kampuang, sanak pulang kampuang pulo, urang antri bali tiket, sanak iyo pulo, kironyo sanak sadang di Kampuang wkwkwk..

3. Bali tiket sasuai jo namo pesawat nan sanak inginkan, misalnyo sanak nio naiak Pesawat Puyuah Air, jan sanak bali tiket Pesawat Itiak Air. Atau nan labiah ndak buliah bali tiket NPM atau lo liak jan cubo-cubo bali Tiket untuak nonton konser Boyband :D

4. Bali lah Tiket jauah-jauah hari sabalun barangkek, jan arok dek ongkos murah beko, sanak cubo pulo naiak dijalan wkwkwk..

5. Jan lupo makan atau sarapan sabalun barangkek, karano di pesawat ndak ado nan manjua ‘Paragede Angek’ jo taluah asin  doh.. :D

6. Sasudah Check in jan langsuang NAIAK kateh pesawat, tapi MASUAK kadalam pesawat, naiak kateh pesawat disangko urang suporter bola beko..

7. Duduak lah sasuai jo nomor kursi nan tatulis di tiket sasudah sanak check in, jan duduak pulo disampiang Pilot, sudahtu sanak ajak pulo pilot tu maota..
“Eh Pak Pilot kenal jo si Buyuang Ladiang? Tu Mamak den mah..” Dek arok ongkos perai atau baia saparo, sanak ajak pulo pilot tu maota cando itu. Ndak ado pangaruahnyo doh.. Wkwkwk..

8. Didalam pesawat jan sok akrab atau sok ramah jo urang nan duduak disampiang kito, biaso-biaso sajo lah. Beko dek sok akrab, talapeh sanak batanyo “Dima turun ni?” Jan lay sanak, mambana ambo wkwkwkwk..

9. Katiko pesawat siap-siap ka mandarat, jan bagageh pulo turun, tunggu se lah pesawat tu sabana baranti jo tunggu intruksi dari petugas, saba sajo.. Jan sampai pulo sanak basorak “Kiri ciek da..”





Leave a Comment